यूपीएससी सीडीएस 2 चा निकाल जाहीर

जागर जनस्थान ऑनलाईन

यूपीएससी Combined Defence Services, CDS II Exam 2021 या परीक्षेचा अंतिम निकाल जाहीर झाला आहे. शिफारस केलेल्या उमेदवारांची यादी आणि अंतिम निकाल upsc.gov.in वर ऑनलाइन उपलब्ध करून देण्यात आला आहे. संयुक्त संरक्षण सेवा परीक्षेत बसलेल्या विद्यार्थ्यांना upsc.gov.in वर त्यांचे निकाल पाहता येईल. निकाल जाहीर झाल्यापासून 15 दिवसांच्या आत उमेदवारांचे गुण उपलब्ध करून दिले जातील, असे आयोगाकडून सांगण्यात आले आहे.

इंडियन मिलिटरी अकॅडमी, ऑफिसर्स ट्रेनिंग अकॅडमी, इंडियन नेव्हल अकॅडमी आणि इंडियन एअर फोर्स अकॅडमीमध्ये कमिशन्ड ऑफिसर्सच्या भरतीसाठी युनियन लोकसेवा आयोगाद्वारे संयुक्त संरक्षण सेवा परीक्षा घेतली जाते. एकूण 214 निकालांच्या आधारे उमेदवारांची अखेर निवड करण्यात आली आहे. अधिक संबंधित तपशील जाणून घेण्यासाठी उमेदवार यूपीएससीच्या अधिकृत साइटला भेट देऊ शकतात.

निकाल पाहण्यासाठी-

यूपीएससीच्या अधिकृत वेबसाइटला भेट द्या - upsc.gov.in . त्यानंतर फायनल रिझल्ट ऑप्शनवर क्लिक करा. "संयुक्त संरक्षण सेवा परीक्षा (II), 2021 (OTA) समोर PDF लिंकवर क्लिक करा. यात तुमचे नाव आणि रोल नंबर शोधा. भविष्यातील संदर्भासाठी PDF डाउनलोड करा.

ही गुणवत्ता यादी तात्पुरती आहे. अधिकृत सूचनेनुसार, मेरिट लिस्ट तयार करताना उमेदवारांच्या वैद्यकीय चाचणीचा निकाल विचारात घेतला गेलेला नाही. सर्व उमेदवारांची उमेदवारी तात्पुरती आहे. या उमेदवारांची जन्मतारीख आणि शैक्षणिक पात्रता यांची पडताळणी केली जाणार आहे, असे आयोगाने म्हटले आहे.

शिफारस केलेल्या आणि निवडलेल्या उमेदवारांचे गुण निकाल जाहीर झाल्यापासून 15 दिवसांच्या आत म्हणजेच 26 ऑगस्ट 2022 रोजी उपलब्ध करून दिले जातील. एकदा प्रसिद्ध झाल्यानंतर, उमेदवार 26 ऑगस्ट 2022 पासून UPSC CDS II 2021 परीक्षेसाठी त्यांचे गुणपत्रक डाउनलोड करू शकतील.

इंडियन मिलिटरी अकादमी, ऑफिसर्स ट्रेनिंग अकादमी, इंडियन नेव्हल अकादमी आणि इंडियन एअर फोर्स अकादमीमध्ये कमिशन्ड ऑफिसर्सच्या भरतीसाठी केंद्रीय लोकसेवा आयोगामार्फत संयुक्त संरक्षण सेवा परीक्षा घेतली जाते.